Ego sum abbas Cucaniensis
Et consilium meum est cum bibulis,
Et in secta Decii voluntas mea est,
Et qui mane me quaesierit in taberna
Post vesperam nudus egredietur,
Et sic denudatus veste clamabit:
Wafna, wafna! quid fecisti, Sors turpissima?
Nostrae vitae gaudia
Abstulisti omnia!
Compozitori: Carl Orff.
Doar pentru utilizare non-comercială.
Date de la: Musixmatch
Olim lacus colueram,
Olim pulcher exstiteram,
Dum cignus ego fueram.
Miser, miser!
Modo niger
Et ustus fortiter!
Girat, regirat garcifer;
Me rogus urit fortiter:
Propinat me nunc dapifer.
Miser, miser!
Modo niger
Et ustus fortiter!
Nunc in scutella iaceo,
Et volitare nequeo,
Dentes frendentes video.
Miser, miser!
Modo niger
Et ustus fortiter!
Compozitori: Carl Orff.
Doar pentru utilizare non-comercială.
Date de la: Musixmatch
Estuans interius
Ira vehementi
In amaritudine
Loquor me menti
Factus de materia
Cinis elementi
Similis sum folio
De quo ludunt venti.
Cum sit enim proprium
Viro sapienti
Supra petram ponere
Sedem fundamenti
Stultus ego comparor
Fluvio labenti
Sub eodem tramite
Nunquam permanenti
Feror ego veluti
Sine nauta navis,
Ut per vias aeris
Vaga fertur avis;
Non me tenent vincula
Non me tenet clavis
Quero mihi similes
Et adiungor pravis
Mihi cordis gravitas
Res videtur pravis
Iocus est amabilis
Dulciorque favis
Quicquid Venus imperat
Labor est suavis
Que nunquam in cordibus
Habitat ignatis
Via lata gradior
More iuventutis
Implicor et vitiis
Immemor virtutis,
Voluptatis avidus
Magis quam salutis,
Mortus in anima
Curam gero cutis.
Compozitori: Carl Orff.
Doar pentru utilizare non-comercială.
Date de la: Musixmatch
